|
Ароқ сотган ва ўша ўн тоифадаги бошқаларнинг жазоси таъзирий бўлади. Чунки ҳар бир ҳаром иш учун Ислом давлати, хилофат томонидан жазо тайинланади. У тўрт хил бўлади. Ҳад, жиноят, таъзир ва қонунбузарлик. Булар «Исломдаги жазолар низоми» китобида батафсил баён қилинган.
3. Ҳамма қимор майсирга киради. Ўша пайтдаги қимор бўладими, ҳозирги замонавий қиморлар бўладими, фарқи йўқ.
Олдинги арабларда кенг тарқалган қимор тури қуйидагича эди: Битта сўйиладиган ҳайвонни сотиб олардилар. Унинг нархини тайин қилардилар. Кейин бир неча ўқ ясаб, ҳар бир ўққа муайян миқдорни англатувчи белгини қўярдилар. Масалан, бир ўққа бир ҳисса, бошқа бир ўққа икки ҳисса, учинчи ўққа эса умуман ҳисса йўқ қилиб белги қўярдилар. Кейин ўқларни ўқдонга ўхшаган халтачага солардилар. Кейин ўзлари бир одамни танлардилар. Ўша одам халтачага қўлини солиб, ундаги ўқларни икки ёки уч марта аралаштирарди. Кейин битта-биттадан чиқариб берарди.
Ҳар ким қандай ўқ чиққанига қараб улуш оларди. Агар ўққа бир улуш белгиси қўйилган бўлса, сўйилган ҳайвоннинг гўштидан бир улуш олинарди. Агар ўққа икки улуш белгиси қўйилган бўлса, икки улуш олинарди. Хуллас, ўққа қанча улуш белгиси қўйилган бўлса, ўшанча улуш олинарди. Ҳеч қандай улуш белгиланмаган ўқ чиқса, ҳеч нарса олинмас эди. Лекин сўйиладиган ҳайвоннинг нархи бериларди.
Ютуқдан камбағалларга ҳам берардилар. Уларнинг қиморларидан камбағалларга бироз фойда етарди. Ўқига ҳеч нарса чиқмаган кишилар ўзлари ҳеч нарса олмасалар ҳам сўйиладиган ҳайвонинг нархини берардилар.
Ўша пайтда машҳур бўлган қимор тури мана шу бўлган. Майсир сўзи қандай восита билан ўйналишидан қатъий назар, ҳамма қиморни ўз ичига олади. Қандай ўйин бўлишидан қатъий назар, унга муайян миқдорда пул тикилса, у қимор бўлади. Масалан, лотерея чипталарини олайлик. Уни одамлар пулга сотиб оладилар. Бу чипталарнинг айримларида ютуқ бор. Аксариятида эса йўқ. Олган лотереясига ютуқ чиқмаган одам уни сотиб олган пулига куйиб қолаверади. Агарчи ундан тушган фойдаларнинг бир қисми камбағалларга ёки қандайдир хайрия ишларига сарф қилинса-да, модомики, унда ютиш ва ютқазиш бор экан, у қимордир.
Мана шуларнинг ҳаммаси майсир сўзи англатувчи маънонинг остига дохил бўлади. Негаки, ўша пайтда майсир сўзи қуйидагича маънода эди:
Ўқига улуш чиққан одам ўша улушини оларди.
8-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232